lunes, 28 de noviembre de 2011

SOPRANOS E TENORES

O pasado sábado 12 de novembro o centro de Pereiras enchéuse de voces corais. Sopranos, mezzo-sopranos, contraltos, contra tenores, tenores, barítonos, baixos e baixas, altos e altas trouxeron música vocal de calidade ao noso centro social e cultural.

A coral polifónica Acordes de Bueu encargouse de abrir o acto, non antes da acertada presentación por parte do noso compañeiro Oscar Pérez que amosou as súas dotes ao micrófono.

A súa maior porcentaxe de voces feminina ofreceu a música máis aguda do día e tamén a máis intercultural con aclamadas versións da música popular centro e sud américana.

Despois poidemos gozar das pezas ofrecidas polos compoñentes da Coral do Centro Socio comunitario de Tui con predominio de populares pezas locais.

Pechou o acto a coral Nosa Terra, anfitrións do evento, e que elevou ao máximo os decibelios por tratarse, cos seus 38 compoñentes, da agrupación máis numerosa.

Os aplausos repartíronse por igual entre todos os intervintes, destacando a atención con que os membros de outros grupos seguían as actuacións dos seus colegas de ocioso gusto musical.

O apartado musical do día pechóuse dando as gracias pola participación por parte da Avv. Nosa Terra mediante a entrega dun agasallo conmemorativo aos representantes de cada coral.

Cumplindo cos preceptos das datas fíxose unha suculenta homenaxe a San Martiño, e todos e todas participantes e espectadores poideron saborear castañas asadas, por certo, de considerable tamaño.

Bon appétit e que a música non pare.


No hay comentarios:

Publicar un comentario