ASEMBLEA XERAL ORDINARIA 2009

De acordo cos artigos nº 24 e 25 dos Estatutos que regulan esta Asociación Veciñal e Cultural, a Xunta Directiva convoca a todos os socios a participar na Asemblea Xeral Ordinaria que terá lugar, no salón da 1ª planta do Centro Social e Cultural ‘OS CASTROS’, o vindeiro domingo 19 de Abril de 2009, ás 10:30 horas en 1ª convocatoria, e ás 11:00 horas en 2ª convocatoria; coa seguinte

ORDE DO DÍA

I. Lectura e aprobación, se procede, da acta anterior.
II. Memoria anual de actividades.
III. Informe de proxectos e obras realizadas.
IV. Balance económico, e aprobación, se procede.
V. Propostas da Xunta Directiva:
a) Acceso e uso compartido do Centro.
b) Reorganización salas e oficinas do Centro.
c) Outras.
VI. Propostas entregadas polos socios.
VII. Renovación parcial da Xunta Directiva: Presidente/a, Vicepresidente/a (1 ano), Secretario/a, e Vocais 1º, 3º, 4º (1 ano), 5º, 7º, 9º e 11º.
VIII. Rogos e preguntas.

o Esta Asemblea celebrarase en 1ª convocatoria de atoparse presentes a metade máis un dos socios, ou en 2ª convocatoria con calquera que sexa o número de asistentes (Art. nº28).

o Os socios/as poden presentar por escrito propostas para tratar no punto VI da orde do día, sempre que se entreguen á Xunta Directiva cun mínimo de 5 días antes da Asemblea (Art. nº30).

o Pódense presentar candidaturas para os cargos da Xunta Directiva a renovar, incluídos no punto VII, por parte dos socios cun mínimo de un ano de antigüidade e unha antelación de 10 días á Asemblea (Art. nº 17 e 19).

A Asemblea Xeral de Asociados/as é o órgano de expresión de vontade da Asociación (art. 23), e os acordos adoptados nela obrigarán a todos os/as asociados/as, incluso aos/ás non asistentes (Art. nº 30), polo que dende a Xunta Directiva solicítase a asistencia de todos os/as socios/as, exercendo o seu dereito de asistir (Art. 9), dada a importancia dos temas a tratar, e co fin de chegar a acordos coa máxima participación e consenso.


En Pereiras, a 24 de marzo de 2009

Un cordial saúdo da Xunta Directiva.

COMEZO DE CURSOS PRIMAVERA 09

Informamos do comezo dos novos cursos no Centro Social e Cultural "Os Castros":


Curso de Xardinería: xoves 26 de marzo.


Curso de Pilates: mércores 01 de abril.

Novos cursos primavera 09

Xa vos podedes anotar nos novos cursos organizados pola Avv "Nosa Terra"; subvencionados pola Deputación de Pontevedra.


PILATES

Realización: os mércores de 21:00 a 22:00h.

Comezo: marzo.

Prezo: de balde.




REPARACIÓN DOMÉSTICA E BRICOLAXE


Realización: os venres de 19:30 a 21:30h

Comezo: marzo.

Prezo: de balde.

ENTROIDO 2009

BENVIDOS AO ENTROIDO 09!!

Este ano á AVV “Nosa Terra” ten preparada unha gran festa no CC “Os Castros” para o próximo 21 de febreiro, SÁBADO DE ENTROIDO.

Para empezar a noite celebraremos unha suculenta cea á que podedes asistir anotándovos antes do 15 de febreiro por un módico prezo de 20 € para o socio e acompañante , e 30€ se inda non sodes socios.
Durante a cea farase un sorteo de regalos polo que debedes lembrarvos de traer a invitación para poder participar.

Este será o menú, servido por Jorge Lorenzo. Podedes anotarvos á cea a través da nosa web, por teléfono (638988710) ou no mesmo CC “Os Castros”.

MENÚ DA CEA

Canapés variados
Empanada de xamón iorque e queixo
--------
Lacón, cacheira, costela
e chourizos con grelos
----------
Orellas de Entroido
Queique
----------
Branco condado
Mencia Reitoral de Amandi
Augas e refrescos
-----------
Licores e cafés

Ao remate da cea, sobre a unha da mañá, comezaremos un baile de disfraces para todos, tanto se asististes á cea como se non. O baile estará animado polo DÚO IRIS e por un magnífico DJ local.

Animarvos a todos a vir disfrazados e a gozar do Entroido en Pereiras.

Reunión novo goberno de Mos

Durante o presente mes a Xunta Directiva da AVV “Nosa Terra” reuniuse coa alcaldesa e concelleiros pertencentes ao novo goberno do concello de Mos.

Neste encontro transmitíronselles as principais necesidades da parroquia, entregando un documento de 7 páxinas no que figuran demandas sobre estradas e camiños, alumeado, sinalización e espellos, saneamento, canalizacións, fontes, medio ambiente, CC “Os Castros” e outros.

Dende o goberno comprometéronse a facer fronte á maior parte das demandas. Dende a AVV faremos seguimento para que así sexa, para o que solicitamos tamén a colaboración de todos os socios e veciños; que nos sigan comunicando todas as necesidades que aprecien na nosa parroquia.

Un saúdo.

A Xunta Directiva.

COMPARSA DE ENTROIDO (II)

CONVÓCASE UNA NOVA REUNIÓN PARA ESTE DOMINGO DÍA 11 ÁS 12:30H.

COMPARSA DE ENTROIDO

Lembrade que este próximo venres 09 de xaneiro estades todos convocados, socios e demáis veciños, para tratar a creación dunha COMPARSA PARA O ENTROIDO.

Os interesados acudide ao CC Os Castros ás 22:30h, ou enviade recado por outra persoa para saber cantos seremos.

Prégase puntualidade e que veñades con ideas para ir comezando o traballo, que non será moito en comparación coa festa que nos espera!!