QUENTANDO PEDAIS PARA AS CITAS CICLISTAS

Esta pasada semana varios veciños e aficionados á bicicleta e á natureza estiveron percorrendo a ruta da próxima kedada BTT que terá lugar o domingo 09 de outubro.

A conclusión foi que, inda que se pode facer un pouquiño dura ao principio, a beleza natural e a diversión están aseguradas cun itinerario moi variado e que non deixa opción ao aburrimento.

Estes percorridos aproveitáronse para ir pechando a organización e ir definindo os lugares nos que se debe aumentar a precaución (cruces, pasos estreitos...) para que o día da marcha todo transcurra da mellor maneira e con absoluta tranquilidade e seguridade para os que nos queiran acompañar neste paseo.

Boa ruta!

WIMAX EN PEREIRAS

Este próximo mércores 14 de setembro ás 21:00h haberá no CC "Os Castros" unha charla informativa sobre esta tecnoloxía e o proxecto que sobre ela se pretende desenvolver.

Wimax é un sistema de acceso a banda ancha usado principalmente en zonas rurais que permite o acceso a internet mediante a colocación de antenas cuns poucos kms de alcance.

Todas as persoas interesadas, actualmente ou nun futuro próximo, serán informadas sobre as características técnicas, formas de acceso e coste desta alternativa para ter internet na casa.

KEDADA CICLOTURISTA BTT

O próximo domingo 09 de outubro vaise celebrar en Pereiras (Mos) a primeira quedada BTT "Nosa Terra", na que percorreremos en bicicleta camiños e sendeiros da parroquia e arredores.

A distancia será de 30 KM cunha dificultade media/alta, con comezo ás 9:30h no CC "Os Castros". Os primeiros 6 km serán polo entorno máis próximo incluindo zonas da Santa Mariña e os muiños de Casalmorto, subindo despois cara as proximidades do "Mercantil", CUVI e parque forestal de Beade, onde terá lugar o avituallamento.
Finalizaremos cun rápido e técnico descenso por Cela ata chegar de novo ao Local Social.

Pedimos que todos os que se acheguen sexan maiores de 18 anos e veñan provistos de casco. Tamén agradecemos que realicedes unha preinscripción, enviando un mail á nosa dirección avvnosaterra@yahoo.es. Recibiredes confirmación e se vos asignará un número para o SORTEO DE REGALOS que se realizará ao final da ruta.

Todos os asistentes o farán pola súa conta e risco.

Calquera outra información ou dúbida que teñades podedes utilizar o apartado de comentarios de este blogue, chamar ao número 617 370 715 ou facelo a través do noso facebook.

NOVO CURSO, NOVOS CURSOS

Coa chegada de setembro e o próximo outono, a Asociación "Nosa Terra" está a programar o novo calendario de cursos.

Todos eles terán lugar no CC "Os Castros" e podes anotarte no teléfono ou no mail da Avv, ou tamén acercándote polo propio local.

Os precios rondarán entre os 10 e os 20 € dependendo do número de inscritos en cada curso.

Algún dos cursos poderá cancelarse de non reunirse un mínimo de participantes.

Calquera suxerencia ou novo curso que che interese fáinolo saber!! Polo momento aquí tes a nosa oferta cos días e horas que xa están establecidos...

AEROBIC. MARTES E XOVES. 21:30 - 22:30H.

PILATES. LUNS E MÉRCORES. 21:30 - 22:30 H.

TAI-CHI. LUNS.

IOGA. MARTES E XOVES. 18:30 - 19:30 H.

COCIÑA. SÁBADOS. 19:00 - 22:00 H.

INGLES. POR DETERMINAR.

INFORMATICA. POR DETERMINAR.

BOLILLOS.

Estade atentos a esta entrada porque irémola actualizando con máis cursos e información.

SAN RAFAEL, O MELLOR FUTBOL SALA DA PARROQUIA

Rematou o campionato de futbol sala por barrios, que foi dominado de principio a fin polo equipo de San Rafael.

Os xogadores do barrio impuxéronse na final a Casal por 3-2 e leváronse ademáis os premios a maximos goleadores e menos goleados.


As semifinais completáronnas A Florida, derrotado por Casal, e Campo de Eiró, que non puideron aguantar a forza dos campións.


O torneo feminino terminou en táboas e haberá que agardar ao próximo ano para coroar ás nosas mellores futbolistas.

Proximamente incluiremos fotos do torneo e os equipos.

Noraboa aos gañadores e resto de participantes, e gracias a todo o público que acudiu a seguir o campionato.

A CHOIVA MANTEN A EMOCIÓN NO TORNEO DE FUTBITO

O mesmo verán atípico que xa trastocou os plans de sol e praia de moitos veciños, obrigou onte tamén a modificar o calendario do torneo de futbito. A choiva chegou á recen inagurada pista polideportiva e ante os riscos para a seguridade e saúde de xogadoras e xogadores decidiuse aprazar os encontros pendentes para a próxima semana.

O partido feminino que decidirá as gañadoras do campionato xogarase o luns 8 ás 21:30h, mentres que a clasificación para as semifinais masculinas seguirá en incertidume ata que, tamén o luns, ás 22:30h se xogue o Casal-San Rafael. O martes, nos mesmos horarios que estaban previstos, xogaranse as semifinais, 3º e 4º posto (a penaltis) e a final.

Resultados, clasificación e situación de cada equipo antes do último partido da liguilla:

San Rafael: ten asegurada a primeira plaza e o luns pode facer pleno de victorias e asegurarse os premios de máximos goleadores e menores encaixadores.

A Florida: vai xogar a segunda semifinal do martes, só lle resta saber se o fará como 2º clasificado ou como 3º.

Campo de Eiró: a notable remontada in-extemis no último partido aseguroulle a clasificación. Pode facelo como 3º se perde Casal ou como 4º se Casal puntua no seu último partido.

Roublín: a súa única victoria, pola mínima, frente Casal, obrígalles a esperar a derrota destes para clasificarse como cuartos, xa que incluso un hipotético triple empate con Casal e Campo de Eiró os deixaría fora por un único gol de menos nos emfrontamentos directos.

Casal: dependen deles mesmos. Teñen na man o 2º posto (cunha victoria), o 3º (cun empate) e o 5º (cunha derrota).

A SEMANA DE FUTBITO CHEGA AO SEU ECUADOR

Despois de dous días de competición empézanse a definir as clasificacións, que quedarán definitivamente configuradas este xoves. O venres xogaranse as semifinais e finais do torneo masculino.

No apartado feminino, onte martes disputouse o encontro de ida entre Campo de Eiró e A Florida, ambos equipos apropiadamente reforzados por outras xogadoras da parroquia. O combinado da Florida ten a misión de remontar 2 goles na volta que se xogará o xoves se quere levarse a victoria no torneo.

San Rafael perfílanse como o equipo a batir no apartado masculino despois de contar os seus 2 primeiros encontros por victorias, sendo A Florida e Roublín os que máis posibilidades parecen ter de facerlles fronte. Campo de Eiró e Casal terán que loitar por evitar a última praza, que os apartaría das semifinais.

Lembramos que en caso de empate a puntos, a orde para resolvelos será: 1º resultado/s entre os equipos implicados, 2º diferencia de goles global, 3º máis goles marcados, 4º menos faltas acumulativas cometidas, 5º moeda de curso legal ao aire.

Con 2 partidos disputados por cada equipo así está a clasificación masculina provisional. Boa sorte a todas e todos.